DARD-E-BACHELOR

Aaj ke zamaane men ek software engineer ke liye 'Bachelor' reh paana koi bachchon ka khel nahin hai........................wo samay jald hi aane waala hai ki jab aam-bolchaal men prayog hone waale bhayankar bhayankar apshabdon men 'Bachelor' ko bhi shaamil kar liya jaayega.......... neeche diye gaye examples meri iss dhaarna ko majbooti pradaan karenge..........

Gaur farmaaiye..............

************************************************************************
Time: Aaj
Place: Property Dealer's office
Purpose of visit: Flat/Room required on rent

Dealer: Haan bhaiya, kya chahiye?
Bachelor: Sir, ek 3 BHK room rent pe chahiye tha

Dealer: Bhaiya, family ya Bachelor??
Bachelor: Jee sir, Bachelor.

Dealer: Sorry bhaiya, Bachelor ke liye koi falt nahin hai..............
Bachelor: But sir, ham sab software engineers hain

Dealer: bhaiya Bachelor to ho na...mana karne ke liye itna hi kaafi hai.....aur ye koi hamare haath men thode hi hai, 'Society' bachelors ko allow hi nahin karti hai..agar aap ko flat de bhi den to 'society' waale neeche se aapka paani aur bijli ka connection kaat denge...kaise reh paaoge.....waise aap naam aur phone number likhwa jaaiye koi hoga to jaroor batayenge..............

( yahan pe 'society' ko aise refer kiya jaata hai jaise poore samaaj men hi Bachelor ke liye koi jagah nahin hai)

****************************************************************************
Time: Aaj se 6 mahine baad
Place: raashan-paani ki dukaan(General store)
Purpose of visit: khane peene ka samaan khareedna hai

Shop-keeper: Haan jee bhaiya, bataiye?
Bachelor: bhaiya, 5 kg aata aur 2 kg ghee de dijiye, saath men kuchh biscuits aur namkeen bhi de dena.

Shop-keeper: Apna marriage certificate dikhaiye bhaiya...
Bachelor: Marriage certificate??? bhaiya, main to abhi bachelor hoon.

Shop-keeper: Sorry bhai saab, naye rules ke according hum Bachelors ko samaan nahin bech sakte. Koi bhi samaan lene se pehle aap ko apna marriage certificate ya mangal-sutra dikhana hoga..........
Bachelor: Kya?????? arre bhaiya ye rule kab se aaya..............aur..aur ab hamen samaan kahan se milega...

Shop-keeper: Bhaiya, wo main nahin jaanta, aap khetibaadi kijiye, gaay-bhainse paaliye, kuchh bhi kijiye....main aapko samaan nahin de sakta, mera license cancel ho jaayega...............

Bachelor: lekin bhaiya.................................................

*********************************************************************************
Shaadi karne ke liye ek bachelor ke oopar ghar waalon se jyada so-called 'Society' ka pressure hai.....khair, ab thak haar ke Bachelor bechaara shaadi karne ka mood banata hain........................
*********************************************************************************
Time: Aaj se 1 saal baad
Place: Ladki waalon ka ghar
Purpose of visit: Rishtaa lena hai

Ladki ka baap: haan to beta kya karte ho?
Bachelor: jee main abhi XYZ computers men kaam karta hoon....MNC hai

Ladki ka Baap: Good..............package kya hai beta tumhara???
Bachelor: jee abhi 8.5 Lacs per annum hai

Ladki ka Baap: Good..............to beta Bechelor ho ya married???
Bachelor: what????? arre sir koi bachelor hi shaadi ke liye aayega na..........

Ladki ka Baap: Ooo to tum bachelor ho...sorry beta, but main apni bitiya ki shaadi kisi bachelor ke saath nahin kar sakta................hamari 'Society' ye allow nahin karti hai........Kam se kam 4 saal ka marriage experience to hona hi chahiye......
**********************************************************************************